هادي ايام وعائلتا انس الصفريوي مول “الضحى” وعزيز اخنوش رئيس الحكومة كيوجدو للنسوبية ديالهم. بنت رئيس الحكومة الصغرى كنزة غادية تزوج بمليك الصفريوي ولد الطاشرون المعروف.
العرس غيكون فمراكش فشهر ماي بالضبط السبت 4 ماي المقبل. عرس كبير كيجمع بين التفراوتية كنزة والفاسي مليك. كلشي غادي يبقى متبع هاد لخبار الپيپل بسباب اسماء العريسين.
مليك كان مع باه ماماه وشي تريكة من عائلتو كانو نهار الاثنين اللي فات دارو دويرة فاوطيل “رويال المنصور” اللي عاود فتح بعد اصلاحو كولو. دار التحت وطلع حتى روف توب ولكن ما خدا حتى شي كونسوماسيون. شي وحدين يسحاب ليهم غادي يدير عرس ولدو فيه٬ ولكن العرس غادي يكون فمراكش اللي حتى هو فيه “روايال المنصور”.
ماليك عندو 33 عام كيخدم مع باه فالسيما هادي 10 سنين. غير خدا ديبلوم ف”بابستون كوليدج” فبوسطون الميريكانية وهو يحطو بوه رقم 2 ف”كيمات كيماف” هو الفرع ديال “الضحى” المكلف بشركة السيما. خدامة مزيان فافريقيا وحتى المغرب
اما كنزة فهي الصغرى عند اخنوش =عندو سكينة واحمد= وباسمها تطبيق “كنزاب” اللي كتلقاه فافريقيا فموروكو مول فعدد من المطاعم والمقاهي التابعة للمجموعة.
عن كود