ذكرت مصادر مطلعة لكود ان عزيز اخنوش رئيس المجلس الجماعي لأكادير و المحتضن الرسمي لحسنية اكادير تدخل وعتق حسنية اكادير بعدما فشل المكتب ديال الحوسا من تسيير الامور المادية ديال الفريق السوسي.
مصادر كود قالت بلي اخنوش تدخل بعدما توصل بتقرير على الوضعية ديال الحسنية خصوصا وان الفريق عاد توصل بمنحة المجلس الجماعي (500 مليون) ومعرفش المكتب لي كيرأسو بلعيد الفقير فتسيير هاد المنحة حيث عطا ل شي لاعبين لي طرونش ديال الكونطرات وشي وحدين لا .
هاد المحسوبية ديال بلعيد الفقير خلات اخنوش يسيفط الناس ديالو وحضرو التداريب وعطاو منح تحفيزية للاعبين في انتظار شي قرار بخصوص صرف مستحقات اللاعبين باش حسنية اكادير تكمل الموسم الحالي فأحسن الظروف بعد تدبدب نتائج الفريق.
للاشارة فحسنية اكادير كايحتل الرتبة 10 فترتيب البطولة وعندو ماتش فربع نهائي كأس العرش مع الرجا نهار السبت
عن كود