tafraout24
الرئيسية / أخبار / واش تقطع الشراب قبل اربعين يوم من رمضان معقول ولا غار نفاق ؟

واش تقطع الشراب قبل اربعين يوم من رمضان معقول ولا غار نفاق ؟

اراء – تافرارت24

كلما كايقرب رمضان فالمغرب كايكون واحد النقاش على “الربعينية” زعما خاص لي كايشرب الشراب بجميع انواعه يحبس “الطاسة” ولكن السؤال المطروح واش هادشي بصاح ولا لا؟

كاين واحد الاختلاف بين الناس فهاد القضية كاين لي كايقول ليك ان هناك احاديث نبوية كتأكد هادشي وكاين لي كايقوليك داكشي مامنو والو وكاين لي كايقول انه غار احترام للشهر المقدس(رمضان).

بالنسبة للفكرة الاولى هي خاطئة ولا اساس لها من الصحة حيت المشروبات الكحولية محرمة شرعا سوى فشعبان ولا رمضان وكل شهور السنة ال12, والحديث لي كاين وكايمشيو معاه الناس غلاط هو قول رسول الله ﷺ “أن من شرب الخمر وسكر لم تقبل له صلاة أربعين صباحا” وهو يعني ان عدد الصلوات التي لا تقبل من الشخص الذي شرب وسكر هو اربعين صلاة لان من الفريضة على المسلم باش اصلي يكون كايشرب ولا لا .

الفكرة الثانية وهي الاقرب للصواب كاينة ومؤكدة علميا حيت ان جميع الدراسات كاتقول ان الكحول كايخرج من الجسم ديال الانسان عبر الدم فغضون 8 سوايع حتال 24 ساعة ايلا طول و ايلا اكان شي موشكيل فالكلية ديال الشخص ولكن ماغايفوتش 24 ساعة فجميع الاحوال حيت كايخرج بطرق عديدة وهادشي باين وحقيقة علمية معروفة يعني ان هاد الفكرة كاتنفي الفكرة الاولى جملة وتفصيلا .

بالنسبة للفكرة الثالثة وهي ان الشراب حرام ديما ماشي غار ف40 يوم قبل رمضان ولكن خاصنا نحتارمو رمضان حتى هي منطقية وهي هي لي كايخدمو بها الناس فالمغرب بزاف حتى ولات تقليد ولاو كايآمنو به ولكن باش نتفاهمو على واحد القضية راه الشراب من حيت الاضرار مكانفكروش فيه كانفكرو غا واش ماخصناش نشربو فالربعينية ولا لا هادشي لي كايدل على الزكيزوفرينية ديال الشعب المغربي حيت هاد القضية كاينة غا فالمغرب وكاتبقى بحال شي اشاعة كاتكون منتاشرة وهي اصلا ماشي معقولة .

خلاصة القول ان هاد النقاش اصلا ماشي منطقي حيت الشراب محرم فالدين ديالنا لي هو الاسلام وكايضر الصحة يعني ان الشخص لي كايشرب وكايحبس ف40 يوم قبل رمضان ماشي متصالح حتى مع داتو كاينة واحد الحاجة هي كاتشرب شرب العام كامل ولا حيد براكا من النفاق والسكيزوفرينية.

شاهد أيضاً

تعزية في وفاة الحاج عبدالله بوتكري

“يا أيتها النفس المطمئنة إرجعي إلى ربك راضية مرضية فادخلي في عبادي وأدخلي جنتي” ببالغ ...

اترك تعليقاً

You have to agree to the comment policy.